علشان ما يضعش حقك 002/01005018668 - 002/01125715663
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قسم الشرطه

اذهب الى الأسفل 
كاتب الموضوعرسالة
Admin
Admin
avatar

المساهمات : 71
تاريخ التسجيل : 16/05/2013
العمر : 51

مُساهمةموضوع: قسم الشرطه    الثلاثاء يونيو 11, 2013 3:53 am

كيف تتعامل فى قسم الشرطه
Yahya Van Der Mahmoud

هو انا ليا كام تجربة مع تحرير المحاضر فيها بعض الاختلافات يا استاذنا ممكن اذكرها بعد اذنك اولا قسم الشرطة في اكتر من وحدة يعني فيه البلوكامين الي هو النوبتجية و التنفيذ و وحدة مباحث الي هم مختصين بالقبض و التفتيش و وحدة امن مركزي و غيره البلوكمين فيه دفتر اسمه دفتر احوال و ده بيتغير كل يوم يعني كل يوم فيه رقم جديد للمحاضر بيتغير كل يوم الساعة 12 يعني الساعة 1 صباحا بيبدأ يعد 1 2 3 من جديد و لما بنروح نحرر المحضر فعلا بيبئى فيه نماذج مطبوعة بس مش دايما بنحرر المحضر في البلوكمين و بياخد رقم اسمه رقم احوال و ده بيبقاله رقم صغير يعني مثلا 50 او 20 يعني ان المحضر ده رقم 20 النهاردة و بياخد تاريخ و ساعة التحرير و بعد كده بيروح استيفاء داخل القسم و لو فيه نقطة شرطة قريبة من محل المشكو في حقه بيبعته النقطة لاستيفاء و يرجع تاني لو انت المشكو في حقه و جالك عسكري او مخبر بيقولك تعالى الباشا عايزك في النقطة او القسم و معاه استدعاء للاستيفاء اوعى اوعى تروح لانه من حقه انه يحجزك في التخشيبة الي موجودة مع البلوكمين و يعرضك مع المحضر على النيابة ... بعد التحرير و الاستيفاء للسؤال و عمل التحريات بياخد رقم قضائي و ده بياخده من موظفين اسمهم العاملين المدنيين بالقسم ناس مدنية معاها دفترين دفتر اداري و دفتر جنح يطلع ليهم المحضر و يشوفوا اذا كان يأيديوه جنح او اداري و غالبا بيكون التحديد على اساس الدليل لو فيه دليل مستندات او حرز او غيره و الرقم القضائي ده كبير بيتاخد بتاريخ السنة مش اليوم زي رقم الاحوال لان الرقم القضائي بيتعاد كل سنة يبداوا من جديد بعد اما ياخد رقم قضائي يروح النيابة و النيابة لها سلطات واسعة يا اما تغير وصف المحضر من اداري لجنح او العكس على حسب ما تراه النيابة و تعمل استيفاء و استدعاء للتحقيق اما الاستدعاء امام الشرطة بيبئى للسؤال للاستفسار فقط محدش يحقق معاك في الشرطة .... بعد كده بيتحقق فيه و وكيل الينابة يتخذ ما يراه من 3 حاجات اما الحفظ او امر بالا وجه لاقامة الدعوى الجنائية او امر احالة للمحكمة و بتابع الكلام ده كله من جدول النيابة و نصيحة بلاش تروح خدمة لزميل بدون ما يكون معاك التوكيل شكلك حيبى وحش و هما كلهم ناس مجانين ايوة مجانين المهم بالنسبة للادعاء المدني في محضر الشرطة طبعا يمكن زي ما استاذنا عرض بنصوص القانون و ده بديل على الجنحة المباشرة يعني جنحة التبديد مثلا يا اما بمحضر شرطة او بجنحة مباشرة و ده تقدر تلاحظه في الحكم بعد كده ... هي دي تجربتي الي حبيت اني اشاركها و يارب تفيدكم
[b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://haky.forumegypt.net
 
قسم الشرطه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حقي وحقك :: منتدى قسم الشرطه - وعمل المحاضر-
انتقل الى: